PROXECTO

Recursos de Galicia (RDG) nace como un dos instrumentos facilitadores da consecución dos obxectivos da futura Lei de promoción dos beneficios sociais e económicos dos proxectos que utilizan os recursos naturais de Galicia.
Trátase dunha sociedade mixta pioneira en España que, sen perder a referencia do horizonte da rendibilidade, favorecerá a maximización da repercusión no territorio do valor xerado polos recursos naturais, a competitividade dos prezos enerxéticos e a descarbonización da economía. En definitiva, perseguirá que o desenvolvemento enerxético sexa equitativo e redunde no progreso de Galicia e do seu tecido económico ou, dito doutro xeito, que os beneficios do aproveitamento dos recursos naturais queden no territorio.